Nor gara? – Eraiki

“Eraiki funtsak bere orainaren eta etorkizunaren jabe den Euskal Herri libreago, jasangarriago eta solidarioagoaren eraikitzeko lan egiten du, hizkuntza, kultura eta nortasun loratuez zein irekiez eta abegitsuez aberatsa den Herria.

Munduaren aniztasunari eta erresilientziari bere ekarpena egitea du helburu, ekologia, klima, demokrazia, justizia soziala eta nazioarteko elkartasunaren arloko erronkei hobeki erantzuteko. Jendarte eredu parte hartzailea plantan ematen lagundu nahi du; bazterkeria eta deskriminazioa errefusatuz; berdintasuna, elkar-laguntza, urritasuna eta bizikidetza sustatuz; baltsako ontasunak garatuz eta pertsonen loratzea eta planetaren mugak errespetatzea xede dituen ekonomian oinarrituz”.

Eraikiko araudietarik ateratua.

Lehendakariaren hitza: Xebax Christy

“Euskal Herria, gure garaiko erronkei buru egiteko erantzunak lantzen diren esperimentazio lurraldea da. Tokiko eta mundu mailako erronkei dagokienez, Euskal Herriko biztanleek tresnak moldatzen dituzte eta baliabide kolektiboak mobilizatzen etorkizun libre, jasangarri eta solidarioa asmatzeko.

Eraiki funtsa elkarrekin egiteko euskal ohitura horren parte da. Elkarteen eta hainbat egituraren lur eta higiezinen ondarea bermatzeko tresna da Eraiki . Funts honek bermatuko du ondare komun horrek iraunkorki segituko duela interes orokorraren eta mugimenduaren zerbitzura, irabazi xede asmorik gabe. Eraiki-k, dirua bilduz eta Euskal Herriko proiektu eta mugimenduen probetxuko birbanatuz, eragina biderkatuko du eta urrunago eta azkarkiago ikusteko aukera emanen digu.”

**Sébastien “Xebax” Christy,** Eraiki-ko lehendakaria

Euskal Herri burujabe, solidario eta iraunkor bat eraikitzeko lanean diharduten elkarte eta mugimenduek osatzen dute Administrazio Kontseilua. Bi biltzarrek laguntzen dute: aliatuenak (ELA, EHLG edo Euskal Moneta-rekin, adibidez) eta jende zuhurrena, Iparraldearen zerbitzuko ukan duten ibilbidearengatik hautatuak izan diren pertsonalitatez osatua.

Bestalde, higiezinen, kudeaketaren edo zuzenbidearen arloan adituak eta trebetasunak dituzten pertsonak osaturiko Aholku batzordeak erabaki edo eragiketa estrategikoei buruzko iritzia eman beharko du, batez ere eskualdatze-eragiketa edo lur eremu eskuratzean.

Administrazio Kontseiluko kideak eta Ekosistema biltzarreko kideak: